Գլխավոր հատակագիծ

‍

‍

Ակադեմիական քաղաք Հայաստանի գլխավոր հատակագիծը ուրվագծում է կայուն, համաշխարհային մակարդակի ուսումնական կենտրոնի տեսլականը։ Այն ներառում է 6 հիմնական ակադեմիական կլաստեր՝ նախատեսված մասնագիտացված կրթության և հետազոտությունների խթանման համար, որոնցից յուրաքանչյուրն իր մեջ ներառում է ինտեգրված գիտահետազոտական ​​կազմակերպությունները:

‍

Ակադեմիական քաղաքի ենթակառուցվածքները և տարածքները կներառեն հետևյալը.

‍

1. գերժամանակակից լաբորատորիաներ՝ արդիական գիտական ​​հետազոտությունի համար
2. նախատիպերի և փորձարկման սարքավորումներ
3. սպորտային և հանգստի հարմարություններ, ազգային մարզադաշտ
4. մշակութային կենտրոններ և համերգասրահ
5. գրադարաններ
6. գիտական ​​և նորարարական սթարթափ ինկուբատորներ
7. համագործակցության տարածքներ
8. ուսանողական հանրակացարաններ
9. բնակելի տարածքներ
10. կանաչ տարածքներ
11. այլ կարևոր տարածքներ, որոնք կխթանեն մրցակցային հետազոտությունը և բարձրորակ կրթական համակարգը

Տեխնոլոգիական կլաստեր. Կիրառական գիտությունների վրա կենտրոնացած այս կլաստերը կհյուրընկալի 14,500 ուսանողի և 3,000 հոգուց բաղկացած պրոֆեսորադասախոսական կազմի։ Կարևոր ենթակառուցվածքները ներառում են նյութագիտության, ֆիզիկայի հետազոտությունների, առաջադեմ նախատիպավորման, հաշվողական տեխնոլոգիաների կենտրոններ և սթատթափ ինկուբատորներ։ Կլաստերի նպատակն է խթանել նորարարությունը և տեխնոլոգիական զարգացումը տարբեր ոլորտներում։

‍

Արվեստների կլաստեր. 2000 ուսանողից և 900 հոգուց բաղկացած պրոֆեսորադասախոսական կազմ ունեցող այս կլաստերը կենտրոնանալու է արվեստի, մշակույթի և ժառանգության վրա։ Այն կներառի Արվեստների ավագ դպրոցը, Կինոքաղաքը, ուսանողական թատրոնը և Հայաստանի ազգային թանգարան-շտեմարանը։ Այս կլաստերը նախատեսված է զարգացնելու Հայաստանի ստեղծագործական ոլորտները և մշակութային հետազատությունները։

‍

Կրթական կլաստեր. Նախագծված 15000 ուսանողի և 1400 հոգուց բաղկացած պրոֆեսորադասախոսական կազմի համար՝ այս կլաստերը կխթանի կրթական հետազոտությունները և ուսուցիչների վերապատրաստումը: Այն ներառում է Կրթության հետազոտությունների ​​նորաստեղծ կենտրոնը, որն ուղղված է կրթության ոլորտի զարգացմանը՝ միջազգային համագործակցությունների միջոցով:

‍

Սպայական կլաստեր. Կենտրոնանալով ներքին և արտաքին անվտանգության վրա՝ այս կլաստերը մասնագիտացված կրթություն կտրամադրի ռազմական և անվտանգության անձնակազմի համար: Այն կտեղակայի Սպայական համալսարան, ավագ դպրոց և քոլեջ, որոնք բոլորն էլ նախատեսված են երկրի անվտանգության կարիքները բավարարելու համար՝ առաջադեմ ուսուցման և կրթության միջոցով:

‍

Դասական կլաստեր. Դասական կլաստերը համախմբելու է ավանդական ակադեմիական առարկաները և հիմնարար գիտությունները՝ հենվելով Հայաստանում գործող բուհերի գիտական և կրթական լավագույն ավանդույթների վրա: Կլաստերում կտեղակայվեն նաև մի քանի գիտահետազոտական ​​ինստիտուտներ, որոնք կենտրոնացած են տարբեր ակադեմիական առարկաների հիմնարար և կիրառական հետազոտությունների վրա:

‍

Բժշկական կլաստեր. Բժշկական կլաստերը կհյուրընկալի մոտ 10,000 ուսանողների և 800 հոգուց բաղկացած պրոֆեսորադասախոսական կազմի, որոնք կզբաղվեն  կրթական և հետազոտական ​​գործունեությամբ: Այս կլաստերը կձևավորվի Հայաստանում գործող բժշկական համալսարանների և կրթական ծրագրերի հիման վրա՝ ինտեգրելով ժամանակակից հետազոտությունները և ժամանակակից, հեռանկարային կրթական ծրագրերը:

‍

‍Տարածքներ. Գլխավոր հատակագիծը նախատեսում է հետազոտությունները ու կրթությունը խթանող և առօրյա կյանքին աջակցող ժամանակակից ենթակառուցվածքներով համայնք, որտեղ կաշխատեն և կապրեն ուսանողներ, գիտնականներ և մասնագետներ։ Ապագա կլաստերները, ինչպիսիք են Դասական և Բժշկական կլաստերները, ավելի կբարելավեն քաղաքի հնարավորությունները՝ ամրապնդելով դրա դերը որպես ակադեմիական և մասնագիտական ​​գերազանցության կենտրոն։ Ներբեռնելով գլխավոր հատակագիծը՝ Դուք ավելի խորը պատկերացում կկազմեք թե ինչպես է նախագծվել Ակադեմիական քաղաքը՝ Հայաստանի սոցիալ-տնտեսական աճը և համաշխարհային մրցունակությունը խթանող առաջատար կրթական կենտրոն դառնալու համար։